Suriyada rus bazalarının fəaliyyəti dayandırılıb

Suriya keçən hakimiyyətin dövründə imzalanmış razılaşmaların, o cümlədən Rusiya hərbi bazalarına dair sazişlərin yenidən nəzərdən keçirildiyini açıqlayıb.

"İnformator.az" xəbər verir ki, bunu Suriya xarici işlər naziri Əsəd əş-Şeybani “Əl-İxəbəriyyə” telekanalına müsahibəsində bildirib.

“Əvvəlki rejimlə bağlanan razılaşmalar dayandırılıb və yeni sənədlər hələ imzalanmayıb”, - o qeyd edib.

Onun sözlərinə görə, Rusiya bazalarının fəaliyyəti hazırda dayandırılıb və tərəflər bu mövzunu yenidən müzakirə edir.

Şeybani əlavə edib ki, məsələ Suriya Prezidenti Əhməd əş-Şaranın Moskvaya səfəri zamanı Vladimir Putinlə görüşün gündəmində olub.