Şuşada yanğın başlayıb: minalar partladı

Azad edilmiş ərazilərdə növbəti yanğın hadisəsi Şuşa rayonu Qala Dərəsi adlanan ərazisində baş verib.

"İnformator.az" " Report" a istinadən xəbər verir ki, əraziyə FHN-in yanğınsöndürən briqadaları cəlb olunub.

Aparılan tədbirlər nəticəsində yanğının meşə ərazisinə keçməsinin qarşısı alınıb. Hadisə şahidlərinin bildirdiyinə görə, yanğın nəticəsində ərazidə bir neçə mina partlayışı da müşahidə edilib. Aparılan işlər nəticəsində yanğın söndürülüb.