Türkiyə, ABŞ və Qətər Suriyada birgə iş görəcək – 7 milyardlıq saziş

Suriya Qətər, Amerika və Türkiyə şirkətlərindən ibarət konsorsiumla müharibədən zərər çəkmiş elektrik sektorunu bərpa etmək üçün 7 milyard dollarlıq enerji müqaviləsi imzalayıb.

"İnformator.az" xəbər verir ki, razılaşmaya Suriya prezident sarayında Prezident Əhməd əş-Şara və ABŞ-ın Suriya üzrə nümayəndəsi Tomas Barakın iştirakı ilə bu gün imza atılıb.

Razılaşmaya ümumi gücü 4000 meqavat olan dörd kombinə edilmiş dövrəli qaz-turbin elektrik stansiyasının, həmçinin Suriyanın cənubunda 1000 meqavatlıq günəş elektrik stansiyasının tikintisi daxildir.

Tikinti işlərinin yekun razılaşmalar əldə edildikdən sonra başlanması gözlənilir.