TCMB KKM-də ən aşağı faiz dərəcəsini 35 faizə endirib

Türkiyə Respublikası Mərkəzi Bankı (TCMB) türk lirəsi (TL) əmanətlərin valyuta bazarındakı payının artırılmasına yönəlmiş addımlar çərçivəsində məzənnə ilə qorunan əmanətlərə (KKM) tətbiq ediləcək ən aşağı faiz dərəcəsini 35 faizə endirib. 

İcra Təlimatında edilən dəyişikliklə TCMB “KKM hesablarına tətbiq edilən faiz dərəcəsinin aşağı həddini siyasət faiz dərəcəsinin 80 faizindən 70 faizinə endirdi.Bu dəyişikliklə KKM-də ən aşağı faiz dərəcəsi 40 faizdən 35 faizə endirildi. TCMB-nin siyasət faizi 50 faiz səviyyəsindədir. Bu addımlar KKM hesablarından TL əmanətlərə keçidi təşviq etmək və KKM hesablarının sayını azaltmaq üçün strategiyanın bir hissəsi kimi nəzərdən keçirilir.

Bundan əlavə, banklara göndərilən və yeni açılmış və ya yenilənmiş KKM hesabları üçün əlavə gəlir kimi adlar altında hər hansı ödənişlər qadağan edilib.TCMB-nin bu dəyişiklikləri iyulun 22-dən qüvvəyə minəcək. Bu addımlar bank sistemində TL əmanət faizinin artırılmasına və valyuta ilə qorunan depozit hesablarının payının azaldılmasına yönəlmiş daha geniş strategiyanın bir hissəsi kimi qiymətləndirilir.

Mənbə: Cnntürk

Nərgiz Orucova