Tennessi ştatında zəlzələ baş verib

ABŞ Geoloji Xidməti və yerli xəbərlərə görə, şənbə günü səhər Tennessi ştatında 4,1 bal gücündə zəlzələ baş verib və Atlanta, Şimali Karolinanın qərbi və başqa yerlərdə hiss edilib.

USGS-in saytında zəlzələnin Knoxville-dən təxminən 30 mil (48 kilometr) cənubda yerləşən Tennessi ştatının Qrinbek şəhərindən təxminən 12 mil (20 kilometr) aralıda, EDT vaxtı ilə səhər 9-dan qısa müddət sonra meydana gəldiyi bildirilib. Corciya və Şimali Karolinaya xidmət göstərən televiziya xəbər stansiyalarının meteoroloqları da yeraltı təkanları hiss etdiklərini bildiriblər.

USGS sözçüsü Ayesha Davis, Associated Press-ə elektron poçtla bildirib ki, zəlzələdən sonra ilk bir saat ərzində ictimaiyyətdən 23,000-dən çox məlumat USGS tərəfindən qəbul edilib.

Associated Press 

Güllər Gülhüseynova