TFF Sədri Hacıosmanoğlu: Heç kimə güzəşt etməyəcəyik

Türkiyə Futbol Federasiyasının (TFF) sədri İbrahim Hacıosmanoğlu bildirib ki, Türk futbolunu korrupsiya, rüşvət və çirkli əlaqələrdən qorumaq üçün heç kimə güzəşt edilməyəcək. O, bu istiqamətdə koordinasiyalı fəaliyyət göstərdiklərini və hüquq-mühafizə orqanlarının apardığı istintaqı yaxından izlədiklərini qeyd edib.

TFF sədri İbrahim Hacıosmanoğlu Yeditepe Universiteti ilə hakimlərin təhsili və inkişafı sahəsində əməkdaşlıq çərçivəsində TFF-nin Hasan Doğan Milli Komandalar Təlim-Məşq Kompleksi və Təhsil Mərkəzində imzalanan protokol mərasimində gündəmə dair açıqlamalar verib. Türk futbolunu layiq olduğu səviyyəyə çatdırmaq məqsədilə bu vəzifəyə gəldiyini deyən Hacıosmanoğlu, idmanla bağlı aparılan araşdırmalarla əlaqədar:

"Yoldaşlarımızla birlikdə məsuliyyəti üzərimizə götürdük. Dürüstlük və əxlaq bizim üçün əsasdır. Həmişə ədalətin yanında olacağıq. O əlavə edib ki, Türk futbolunu şübhəli əlaqələrdən uzaq tutmaq üçün ciddi tədbirlər görüləcək: "Gənclik və İdman Nazirliyi ilə birlikdə koordinasiyalı işləyirik. İstanbul Baş Prokurorluğunun apardığı istintaqı yaxından izləyirik. Təmiz futbol üçün mübarizə aparacağıq və futbol ailəsinin dəstəyi ilə uğura çatacağımıza inanırıq."

TRT Haber 

Aysun Vəliyeva