Tokayev Xəzər dənizinin quraqlığı ilə mübarizə üçün Ekoloji Şura yaratmağı təklif edib

Qazaxıstan Prezidenti Qasım-Jomart Tokayev “Mərkəzi Asiya – Rusiya” sammitində region ölkələrini ciddi ekoloji problemlərlə mübarizədə birləşməyə çağırıb. Tokayev xüsusilə Xəzər dənizinin su ehtiyatlarının qorunmasına diqqət çəkib və sərhəd aşan məsələləri həll etmək üçün “Ekoloji İşlər üzrə Nazirlər Şurası”nın yaradılmasını təklif edib.

Prezident, su təhlükəsizliyinin ən vacib məsələlərdən biri olduğunu vurğulayıb və təbii resursların vəziyyətini izləmək üçün peyk əsaslı birgə kosmik monitorinq proqramının tətbiqini təklif edib.

Qeyd edilir ki, Xəzər dənizinin səviyyəsi tarixi minimuma düşərək 29 metrə çatıb və bu, xüsusilə şimal sahilində ekosistemlər üçün ciddi təhlükə yaradır. Ekspertlər Volqa çayının axınının azalmasını, iqlim dəyişikliyini və insan fəaliyyətini dəniz səviyyəsinin enməsinin əsas səbəbləri kimi göstərirlər.

ANEWZ 

Güllər Gülhüseynova