Tramp-İran razılaşması: ümidlər var, risklər qalır

Donald Tramp ABŞ ilə İran arasında gərginliyin dayandırılması barədə razılaşmanı mühüm nailiyyət kimi təqdim edib. O, Hörmüz boğazının ticarət gəmiləri üçün açılacağını və ABŞ-nin dəniz blokadasını ləğv edəcəyini bildirib. Tramp bu razılaşmanın regionda sülh və enerji bazarlarında sabitlik yaradacağını vurğulayıb.

Lakin razılaşmanın detalları hələ də qeyri-müəyyəndir. İranın nüvə proqramına qoyulan məhdudiyyətlər, zənginləşdirilmiş uranın taleyi və İsrailin mümkün hərbi addımları əsas risklər olaraq qalır. Ekspertlər neft axınının dərhal normallaşmayacağını, ABŞ-də isə enerji qiymətlərinin Tramp üçün ciddi siyasi sınaq olaraq davam etdiyini qeyd edirlər.

BBC News
Mələk Hüseynova