Tramp: “İranın nüvə proqramı onilliklər geri atılıb”

ABŞ-nin sabiq prezidenti Donald Tramp iddia edir ki, son hərbi zərbələr İranın nüvə proqramını “onilliklər geri atıb”. O, bu barədə açıqlamanı NATO sammiti ərəfəsində verib. Lakin ABŞ müdafiə naziri Pit Heqset sızan kəşfiyyat hesabatının yalnız “ilkin” xarakter daşıdığını və nəticələrə dair “aşağı inam” səviyyəsinin olduğunu qeyd edib.

Sammit zamanı NATO-nun baş katibinə Trampın İsrail və İranı tənqid edərkən işlətdiyi ifadələrlə bağlı sual verilib. Cavab olaraq, o, Trampı “ata” adlandırmaqla kifayətlənib.

Hazırda İsrail və İran arasında atəşkəsin qüvvədə olduğu bildirilir. BBC-nin Tehrandakı müxbiri Lyse Doucet xəbər verir ki, son hadisələr iranlıların gündəlik həyatını dəyişib və ölkədə gələcəyə dair dərin qeyri-müəyyənlik hökm sürür.

Mənbə: BBC
Türkan Kərimli