Tramp məhbusların dəyişdirilməsini Rusiya üçün “fenomenal razılaşma” adlandırıb
ABŞ-ın keçmiş prezidenti Donald Tramp Fox Business Network televiziyasına müsahibəsində Rusiya ilə Qərb arasında son məhbus mübadiləsini Moskva üçün böyük uğur adlandırıb. Bu barədə "informator.az" Tass-a istinadən xəbər verir.
"Onlar çox şey əldə etdilər. Ruslar çox şey əldə etdilər. Mən bunu tənqid etməyəcəyəm, çünki onların (azadlığa buraxılmış ABŞ vətəndaşlarının) evlərində olması yaxşıdır, lakin onlar fenomenal razılaşma əldə etdilər" dedi.
Avqustun 1-də NATO-nun bir neçə ölkəsində saxlanılan səkkiz Rusiya vətəndaşı Türkiyənin Ankara hava limanında məhbus mübadiləsindən sonra iki uşaqla birlikdə evlərinə qayıdıblar. Azad edilən rusiyalıları Vnukovo-2 hava limanına gələrkən Rusiya prezidenti Vladimir Putin şəxsən qarşılayıb.
Azad edilənlərdən biri Almaniyada ömürlük həbs cəzası çəkən Vadim Krasikov adı ilə tanınan Rusiya vətəndaşıdır. Rusları başqa ölkələrin maraqlarından çıxış edən bir qrup şəxslə dəyişdirdilər.
