Tramp Netanyahunun oyunlarından bezib
ABŞ Prezidenti Donald Tramp Qəzzadakı hadisələr və İranla danışıqlarla bağlı İsrail Baş naziri Benyamin Netanyahunun siyasətindən narahatdır.
"İnformator.az" Türkiyə mediasına istinadən xəbər verir ki, bunu israilli hərbi ekspert Amos Harel deyib.
“Görünür, Tramp Netanyahunun oyunlarından bezib”, - ekspert vurğulayıb.
Harel qeyd edib ki, Tramp Netanyahuya Vaşinqton və Tehran arasında davam edən danışıqlar fonunda İranın nüvə obyektlərinə hava zərbələri endirməməsi ilə bağlı sərt xəbərdarlıq da edib:
“ABŞ lideri Netanyahuya Ukrayna Prezidenti Vladimir Zelenskidən daha “ehityatla yanaşır”. Netanyahu administrasiyası ilə artan gərginliyə baxmayaraq, Tramp ABŞ-İsrail münasibətlərinin həssaslığına görə açıq şəkildə əks siyasət nümayiş etdirə bilmir”.
