Tramp prezident Ərdoğana Qəzzaya görə təşəkkür edib

ABŞ prezidenti Donald Tramp Qəzzada atəşkəsə münasibət bildirərkən, "Qəzzada müharibəni bitirdik. İnanıram ki, davamlı sülh olacaq. Bu gözəl nəticəni əldə etməyimizə kömək edən Misir və Türkiyə liderlərinə minnətdaram. Ərdoğan şəxsi maraq göstərdi və inanılmaz iş gördü".

ABŞ prezidenti Donald Tramp Qəzzada atəşkəslə bağlı açıqlama verərək, "Qəzzada müharibəni bitirdik. Qalıcı sülhün olacağına inanıram",- deyib.

Trampın bəyanatlarından diqqət çəkən məqamlar belədir:

"HƏMAS-ın nöqteyi-nəzərindən onlar 70 min insan itirdilər. Bu, ciddi rəqəmdir, amma nə vaxtsa bu, bitməlidir. Biz də bunu müşahidə edəcəyik. Qəzza yenidən qurulacaq".

Bu layihə üçün çoxlu mühüm ölkələr cəlb olunacaq və büdcə ayrılacaq. Çox güclü tələbat var. Bu gün gözəl xəbərlər gördük. Onlar bizim öhdəliyimizi etiraf etdilər. İnsanlar buna inana bilmirdilər. Onlar bunu böyük ruh yüksəkliyi ilə qarşıladılar. 

“İRAN DA SÜLH ÜZRƏ İŞLƏMƏK İSTƏYİR”

İranın nüvə silahı ola bilərdi. O da sülh üzərində işləmək istəyir. Biz İranla işləməyə davam edəcəyik. Onların çox ağır sanksiyaları var. Biz onların ölkələrinin ayağa qalxmasına kömək etmək istəyirik. Qətər, Misir və Türkiyə liderlərinə hər zaman yanımızda olduqları üçün təşəkkürümü bildirirəm.

Məsələn, prezident Ərdoğanın özü şəxsən iştirak edirdi. O, HƏMAS-la danışıb. Böyük bir iş görüldü. Bütün dünya birləşdi. Bir-birini sevməyən, yola getməyən insanlar, qonşu ölkələr bir araya gəldi. Biz də səbirsizliklə gözləyirik. Biz məhbusların ailələrinə qayıtmasını gözləyə bilmirik. bazar ertəsi gələcək. Bütün amerikalılar fəxr edə bilər.

Bu otaqdakı hər kəs fantastik iş görüb. CIA fantastik bir iş gördü. Hamınıza çox təşəkkür etmək istəyirəm.

Səkkiz müharibəni bitirdik. Düşündüm ki, ən sürətlisi Rusiya-Ukrayna olacaq. Düşünürəm ki, bu da baş verəcək. Müharibələr bizə bir çox cəhətdən təsir etməsə də, əlbəttə ki, bunun baş verməsini istəmirik. Bu müharibə heç vaxt olmamalı idi. Mən prezident olsaydım, heç belə olmazdı.

Haber Global

Gülay Səlifova