Tramp: Qəzzadakı atəşkəs danışıqlarının ikinci mərhələsi başlayıb

ABŞ-nin keçmiş prezidenti Donald Tramp, Qəzzada qüvvədə olan atəşkəs razılaşmasının ikinci mərhələsinin başladığını bəyan edib. Bu barədə o, Misirdə keçirilən Şarm əl-Şeyx Sülh Zirvəsində jurnalistlərə açıqlama verib.

Donald Tramp açıqlamasında bildirib ki, danışıqların ikinci mərhələsi artıq ABŞ tərəfdən başlanıb. Onun sözlərinə görə, hazırkı mərhələdə əsas diqqət Qəzzada baş verən dağıntıların aradan qaldırılmasına yönəlib. “Qəzzaya baxın, çox böyük təmizlik ehtiyacı var. Ona görə də çıxışımda dəfələrlə ‘enkaz’ sözündən istifadə etdim”, - deyə Tramp vurğulayıb.

O, mərhələlərin bir qədər qarışıq görünə biləcəyini, lakin əsas addımın bölgənin bərpası ilə başladığını bildirib. Tramp həmçinin qeyd edib ki, tədbirdə dünyanın müxtəlif ölkələrindən nümayəndələrin iştirakı, məsələyə göstərilən beynəlxalq diqqətin və dəstəyin göstəricisidir.

Sabiq prezident çıxışı zamanı ABŞ-İran münasibətlərinə də toxunaraq bildirib ki, əgər İran dialoqa açıq olarsa, ona qarşı tətbiq edilən sanksiyaların ləğvi müzakirə oluna bilər. “Bu sanksiyalarla uzun müddət yaşamaq mümkün deyil. Gec-tez onların aradan qaldırılmasını istəyəcəklər,” - deyə o qeyd edib.

TRT haber 

Aysun Vəliyeva