Trampdan Hörmüz boğazı ilə bağlı sərt göstəriş

Hürmüzdə gərginlik davam etdiyi bir vaxtda ABŞ Prezidenti Donald Tramp mina yerləşdirən istənilən gəminin vurulacağını bəyan edib.

İran və ABŞ arasında müddətsiz atəşkəs elan olunsa da, Hürmüz boğazında vəziyyət hələ də gərgin olaraq qalır.

Donald Tramp “Truth Social”platformasında paylaşdığı mesajda ABŞ Hərbi Dəniz Qüvvələrinə boğazda mina yerləşdirən istənilən gəminin vurulub məhv edilməsi barədə əmr verdiyini bildirib. O həmçinin qeyd edib ki, ABŞ hazırda Hürmüzdə mina təmizləmə əməliyyatları həyata keçirir.

Bundan əlavə, Almaniya Hərbi Dəniz Qüvvələrinin də Hürmüzdə mümkün mina təmizləmə əməliyyatına hazırlaşdığı bildirilir.

TRT Haber
Aytac İbrahimova