Tuzlada gəmidə partlayış: 1 ölü, 4 yaralı var

İstanbulun Tuzla şəhərində gəmiqayırma zavodunda təmir işləri aparılan gəminin maşın otağında partlayış baş verib. Bir fəhlə həlak olub, dörd nəfər yaralanıb.

Aydıntəpə məhəlləsində, Güzin küçəsində yerləşən Torlak Gəmiqayırma Zavodunda yanaşdığı gəmidə karbon qazı balonuna texniki qulluq və təmir işləri aparılarkən partlayış baş verib.

Xəbər verildikdən sonra hadisə yerinə polis, yanğınsöndürmə idarəsi, səhiyyə işçiləri, İl Fəlakət və Fövqəladə Hallar İdarəsi Başçılığı (AFAD) və Milli Tibbi Xilasetmə Qrupu (UMKE) sövq edilib.

Qruplar bir işçinin öldüyünü müəyyən edib.

Partlayış nəticəsində buraxılan qazdan təsirlənən 4 nəfər xəstəxanaya aparılıb.

Komandalar hadisə yerində işlərini davam etdirir.

Anadolu Respublika Baş Prokurorluğu partlayışla bağlı araşdırmalara başlayıb.

TRT XƏBƏR

Nəzrin Nəsirova