Təyyarədə silahlı yeniyetmə zərərsizləşdirildi

Avstraliyada 17 yaşlı gənc təhlükəsizlik hasarını aşaraq Avalon Hava Limanında ov tüfəngi və sursatla təyyarəyə daxil olub.

Təyyarə Sidneyə uçmağa hazırlaşarkən sərnişinlər və ekipaj onu zərərsizləşdirib. Polis onun avtomobilini və çantalarını yoxlayıb, bomba mütəxəssisi cəlb edilib. Hadisə zamanı xəsarət alan olmayıb. Şübhəlinin hava limanı işçisi kimi geyindiyi və narahat göründüyü bildirilir. Victoria polisi hadisənin motivinin hələ məlum olmadığını, lakin terrorla mübarizə bölməsi ilə əlaqə saxladıqlarını açıqlayıb. Yeniyetmə səkkiz ittihamla, o cümlədən təyyarəni qanunsuz nəzarətə götürmək və uçuş təhlükəsizliyini təhdid etmək ittihamları ilə məhkəmə qarşısına çıxacaq. Hadisə ilə bağlı araşdırmalar davam edir.

BBC News
Aydan Quliyeva