Ukrayna-Azərbaycan matçının baş hakimi müəyyənləşib

DÇ-2026-nın seçmə mərhələsində keçiriləcək Ukrayna - Azərbaycan oyununun hakimləri müəyyənləşib.

"İnformator.az" xəbər verir ki, Polşanın Krakov şəhərində təşkil olunacaq görüşü FIFA referisi Sebastyan Qishamer idarə edəcək.

Avstriyalı hakimə Yorqen Roland Riedellə Santino Şrayner kömək edəcək. Dördüncü hakim funksiyasını Valter Altman yerinə yetirəcək.

Qeyd edək ki, Ukrayna - Azərbaycan oyunu oktyabrın 13-də keçiriləcək.