Ukrayna ilə razılığa gəlmək istəyirik

Rusiya Ukrayna ilə, o cümlədən ərazi məsələləri ilə bağlı razılığa gəlmək istəyir, lakin bu, hazırda Kiyev üçün hüquqi cəhətdən mümkün deyil. Buna görə də Moskva gələcək razılaşmanın müddəalarının beynəlxalq səviyyədə tanınmasında israr edir.

"İnformator.az" xəbər verir ki, bu sözləri Rusiya Prezidenti Vladimir Putin jurnalistlərin suallarını cavablandırarkən deyib.

"Əlbəttə ki, biz sonda Ukrayna ilə razılığa gəlmək istəyirik. Amma hazırda bu, sadəcə olaraq, praktiki və hüquqi cəhətdən mümkün deyil. Onlardan kim bacarırsa, kim istəyirsə, danışıqlar aparsınlar", - deyə prezident qeyd edib.