Ukrayna Rusiya pilotsuz təyyarələrinin sayından danışıb

Rusiya Silahlı Qüvvələrində o qədər çox pilotsuz təyyarə var ki, onlar hər 10 dəqiqədən bir Ukrayna mövqelərinə uçurlar. Bunu Ukrayna Milli Qvardiyasının “Rubej” 4-cü əməliyyat briqadasının PUA ekipajının komandiri Andrey Oçenaş “Biz Ukraynayıq” telekanalının efirində bildirib .

“Məsələn, briqadamızın müdafiəni saxladığı mövqedə düşmən FPV helikopterləri hər 10 dəqiqədən bir havaya qalxır. Onların o qədər çoxu var ki, hədəf də axtarmırlar, sadəcə ova uçurlar” dedi.

Ukraynalı hərbçi həmçinin qeyd edib ki, Rusiya ordusu pilotsuz təyyarələrdən istifadə edən ayrı bir qoşun bölməsinin olmamasına baxmayaraq, “bacarıqlı şəkildə pilotsuz qoşunlar yaradıb”.

Bundan əvvəl “Dnepr” qoşun qrupunun “Çip” çağırış nişanlı tank taqımının komandiri bildirmişdi ki, Ukrayna Silahlı Qüvvələri Xerson istiqamətində termal kameralar və gecəgörmə kameraları olan FPV pilotsuz uçuş aparatlarından fəal şəkildə istifadə edir. O qeyd edib ki, düşmənin pilotsuz təyyarələrinin sayı gecə-gündüz eynidir.