Ukrayna yeni sülh planı hazırlayıb

Ukrayna ABŞ-yə təklif etmək üçün yenilənmiş sülh planı hazırlayıb. Prezident Zelenski bildirib ki, Ukraynanın ərazi verməyə nə hüquqi, nə də mənəvi haqqı var. O, bu məsələ ilə bağlı Avropa və NATO liderləri ilə görüşüb və ABŞ-nin Ukraynadan güzəşt tələb edən sülh variantına qarşı çıxıb.

Ötən gecə Rusiyanın pilotsuz aparatı Sumi şəhərinin enerji infrastrukturunu vurub və şəhər işıqsız qalıb. Ternopolda isə ötən ayki raket zərbəsində ölənlərin sayı 38-ə qalxıb.

Zelenski deyib ki, ABŞ-nin ilk 28 bəndlik planı 20 bəndə endirib, lakin Ukrayna üçün vacib məsələlər saxlanılıb. Donbas və Zaporojye AES-i ən həssas mövzular hesab olunur. ABŞ-yə təqdim edilən ilkin plan Donbasın tam idarəsinin Rusiyaya verilməsini nəzərdə tutub, lakin Kiyev bunu qəbul etməyib.

London görüşündə Böyük Britaniya, Fransa və Almaniya Ukraynaya dəstəyi artırmağın vacibliyini vurğulayıb və “ədalətli və dayanıqlı sülh” mövqeyini təsdiqləyib. Ölkələr gələcək təhlükəsizlik zəmanətlərinin formatını müzakirə edir.

Zelenski daha sonra Brüsseldə NATO və Aİ rəhbərləri ilə görüşüb. Moskva da ABŞ ilə danışıqların “müsbət keçdiyini” bildirib. Prezident Tramp Zelenskini sülh prosesinə əsas maneə adlandırıb, lakin Ukrayna yeni planı ABŞ-yə təqdim etməyə hazırlaşır.

BBC
Reyhan Quliyeva