Vaşinqtondan tələb: Radioaktiv materiallar İrandan çıxarılsın
ABŞ Prezidenti Donald Tramp bildirib ki, Vaşinqton İranla danışıqlar zamanı bu ölkənin ərazisindən nüvə yanacağı və digər radioaktiv materialların çıxarılmasını müzakirə edir.
"İnformator.az" xəbər verir ki, bu barədə o, "Fox News" telekanalına müsahibəsində danışıb.
"Bizim "nüvə tozu" adlandırdığımız şeyi götürməyimiz lazımdır. Biz bunu etməliyik və bu, İranla apardığımız danışıqların bir hissəsidir. Biz onların bu materialları özlərində saxlamasını istəmirik", - deyə Tramp bildirib.
ABŞ lideri qeyd edib ki, "nüvə tozu" dedikdə, 2025-ci ilin iyununda İranın nüvə obyektlərinə endirilmiş zərbələr zamanı, onun sözlərinə görə, demək olar ki, məhv edilən nüvə yanacağı və digər materiallar nəzərdə tutulur.
