Yunanıstandan Ukraynaya qaz dəstəyi

Yunanıstan Ukraynanın enerji infrastrukturunun Rusiya hücumları nəticəsində ağır ziyan gördüyü bir vaxtda, ABŞ mənşəli maye təbii qaz (LNG) tədarükünə dair müqavilə imzalayıb. Razılaşma 2025-ci ilin dekabrından 2026-cı ilin martınadək qüvvədə olacaq. Afinada görüşən Volodimir Zelenski və Yunanıstanın baş naziri Kiriakos Mitsotakis bunun “regionda enerji əməkdaşlığını və Avropa enerji təhlükəsizliyini gücləndirdiyini” bildiriblər. Onların sözlərinə görə, müqavilə Ukraynanın çətin qış dövründə dəstəklənməsinə imkan verəcək.

Bu arada Ukraynanın Fövqəladə Hallar Xidməti Odessada gecə Rusiya dron zərbələri nəticəsində enerji obyektlərinin, o cümlədən günəş elektrik stansiyasının zədələndiyini bildirib.

Xarkov vilayətinin Balakliya şəhərinə Rusiya hücumu nəticəsində üç nəfər həlak olub, 10 nəfər yaralanıb.

Rusiya Müdafiə Nazirliyi Zaporoje bölgəsində irəliləyiş əldə etdiyini və iki yaşayış məntəqəsini – Rivnopilya və Mala Tokmaçkanı ələ keçirdiyini açıqlayıb. Rusiyalı hərbi blogerlər Mala Tokmaçkanın Orexivin müdafiəsi üçün kritik əhəmiyyət daşıdığını vurğulayıb. Ukrayna hələlik bu məlumatı şərh etməyib.

Ukrayna ordusu Rusiyanın Samara bölgəsində böyük neft emalı zavodunu və qismən işğal altında olan Donetskdə elit “Rubicon” dron bölməsinə məxsus anbarı vurduğunu bildirib.

The Guardian
Eslanda Kulieva