Zelenski ABŞ rəsmiləri ilə telefon danışığı aparıb

Ukrayna Prezidenti Volodimir Zelenski ABŞ Prezidentinin xüsusi nümayəndəsi Stiven Uitkoff və kürəkəni Cared Kuşner ilə telefon danışığı aparıb.

"İnformator.az" "Teleqraf"a istinadən xəbər verir ki, bu barədə Zelenski Telegram kanalında yazıb.

Onun sözlərinə görə, tərəflər bəzi mühüm detallar ətrafında fikir mübadiləsi aparıblar: 

“Davamlı sülh üçün yaxşı ideyalar var. Ümid edirəm ki, Milad ərəfəsində əldə etdiyimiz bu razılaşmalar və müzakirə olunan ideyalar faydalı olacaq”.