Zelenski Rusiyanı ittiham edib

Ukrayna Prezidenti Vladimir Zelenski Rusiyanı Trampın danışıqları ərəfəsində “kinik” zərbələr endirməkdə günahlandırıb.

Onun sözlərinə görə, Rusiya Xarkovda yaşayış kompleksinə pilotsuz təyyarə ilə hücum edib, nəticədə aralarında 1 yaşlı qız da olan 7 nəfər ölüb. Zaporojjya şəhərində də hücum nəticəsində 3 nəfər həyatını itirib. Zelenski “bu, nümayişkaranə və kinli zərbə idi” deyərək Putinin məqsədinin Ukrayna və Avropaya təzyiq göstərmək, diplomatik səyləri zəiflətmək olduğunu vurğulayıb.

Tramp Alyaskada keçirilən sammitdə Putini qarşılayıb və Avropanın son onilliklərin ən qanlı müharibəsinə son qoymaq üçün barışıq sazişinə ümid etdiyini bildirib. Lakin Kiyev və müttəfiqləri Trampın Moskva üçün daha sərfəli razılaşmaya çalışacağından ehtiyatlanır. ABŞ və Avropa liderləri Vaşinqtonda görüşərək Ukrayna ilə həmrəyliyi nümayiş etdirmək və gələcək nizamlanmada təhlükəsizlik zəmanəti tələb etmək niyyətindədirlər.

Tramp kompromis vacibliyini qeyd etsə də, müharibəni bitirmək məsuliyyətini Zelenskinin üzərinə qoyub. O, Krımın geri qaytarılması və Ukraynanın NATO-ya üzvlük ümidlərindən əl çəkməli olduğunu söyləyib. Zelenski isə Vaşinqtona çatdıqdan sonra dəvət üçün təşəkkür edib və görüşlərin konstruktiv keçəcəyinə ümidini ifadə edib.

Reuters 

Qəmər Kazımzadə