Zelenskidən Trampa kəskin irad

Ukrayna Prezidenti Vladimir Zelenski ABŞ Prezidenti Donald Trampın Ukraynadakı müharibə ilə bağlı qiymətləndirməsinə kəskin irad bildirərək, Rusiya Prezidenti Vladimir Putinin sülh istəmədiyini bəyan edib.

"İnformator.az" xəbər verir ki, bu barədə “Deyli Meyl” məlumat yayıb.

"Biz sülh istəyirik, Putin sülh istəmir. Ona görə də biz ona təzyiq etməliyik", - deyən Zelenski ABŞ-ı daha fəal dəstək verməyə çağırıb.

Ağ Evdəki görüşdə Tramp deyib ki, o, Putinin münaqişəni sona çatdırmaq istədiyinə inanır, əks halda bunu söyləməzdi.

Qeyd edək ki, ABŞ və Ukrayna prezidentləri arasında görüş oktyabrın 17-də Ağ Evdə keçirilib.