Cənubi Koreyanın kəşfiyyat agentliyi Şimali Koreyanın Rusiyaya daha çox əsgər göndərdiyini bildirib

Cənubi Koreyanın kəşfiyyat agentliyinin məlumatına görə, Şimali Koreya Rusiyaya daha çox hərbçi göndərib, digərlərini isə Qərbi Kursk bölgəsindəki cəbhə xəttinə yenidən yerləşdirib.

Nə Moskva, nə də Pxenyan yeni yerləşdirməni təsdiqləməyib.

Cənubi Koreyanın kəşfiyyat agentliyi də cümə axşamı bildirib ki, artıq Rusiyada olan Şimali Koreya qoşunları fevralın əvvəlində “təxminən bir aylıq sakitlikdən” sonra yenidən Kurskdakı cəbhə xəttinə yerləşdirilib.

Cənubi Koreya kəşfiyyatına aid edilən əvvəlki hesabatlarda Şimali Koreya əsgərlərinin müasir müharibəyə hazır olmadığı və xüsusilə Ukrayna pilotsuz uçuş aparatlarına qarşı həssas olduğu bildirilirdi.

Mənbə: BBC News
Nərmin Həşimova