3 Rusiya qırıcısı hava məkanımızı pozub

NATO üzvü Estoniya bildirib ki, üç MiQ-31 tipli Rusiya qırıcısı icazəsiz olaraq Estoniya hava məkanına daxil olub və orada 12 dəqiqə qalıb.

Xarici İşlər Naziri Margus Tsahkna bildirib ki, “Rusiya bu il Estoniya hava məkanını artıq dörd dəfə pozub, bu, özü-özlüyündə qəbuledilməzdir, amma bu gün baş verən hadisə, üç qırıcının hava məkanımıza girməsi misli görünməmiş cəsarətsizlikdir".

Estoniya əlavə edib ki, Moskvanın sərhədləri sınağa çəkməsi və aqressivliyi qarşısında siyasi və iqtisadi təzyiqi sürətlə artırmaq lazımdır. Ölkə həmçinin Rusiyanın Estoniyadakı ən yüksək səviyyəli diplomatına rəsmi etirazını bildirib.

Hadisə Polşanın hava məkanına 9-10 sentyabr gecəsi 20-dən çox Rusiya dronunun daxil olmasından bir həftə sonra baş verib. O zaman NATO təyyarələri dronlardan bəzilərini vurub, Qərb rəsmiləri isə Moskvanın alyansın hazırlığını və qərarlılığını sınağa çəkdiyini bildirib.

Estoniya Ukraynanın möhkəm tərəfdarı kimi tanınır və may ayında da Rusiya “kölgə donanması”na aid olduğu güman edilən neft tankerini dayandırmaq məqsədilə Baltik dənizində NATO hava məkanına qısa müddətə qırıcısını göndərib.

ANEWZ 

Güllər Gülhüseynova