40 min turist İsraildə qapalı qalıb

İsrailin İrana hücumlarından sonra başlayan münaqişə ucbatından on minlərlə xarici turist İsraildə qapalı qalıb.

İsrail“Haaretz” qəzetinin məlumatına görə, ölkənin hava məkanı bağlandıqdan sonra xaricə getmək istəyənlər yaxtalarla Cənubi Kipr Rum Administrasiyasına (GCASC) keçməyə başlayıblar. Münaqişədən qaçan bu dalğaya həm xarici turistlər, həm də bəzi israillilər daxil olub.

Təl-Əviv yaxınlığındakı Herzliya marinasında dəniz çıxışı üçün bazarlıq edənlərin bəziləri ölkələrinə qayıtmaq istəyən turistlər, digərləri isə xaricə uşaqlarının yanına getməyə çalışırlar.

İsraildə 40 minə yaxın əcnəbi hava məkanının bağlanması səbəbindən ölkəni tərk edə bilməyib. Bəzi turistlər dəniz yolu ilə Yunan Kipr Administrasiyasına çatmağa başlayıb, lakin bu səfərlər sayca məhduddur və çox yüksək qiymətlərlə həyata keçirilir.

Kiçik yaxta sahibləri Herzliya, eləcə də Hayfa və Askalan kimi yerləri axtarırlar.

FacebookQruplar vasitəsilə təşkil edilən bu keçidlərdə tələbat çox olduğundan bilet qiymətləri yüzlərlə avrodan minlərlə avroya yüksəlib.

“Haaretz” qəzetinin əvvəlki xəbərinə görə, İsrail hökuməti İsraili tərk etmək istəyən vətəndaşların xaricdə qapalı qalan israilliləri geri qaytarmaq üçün ayrılacaq təyyarələrdən istifadə etməsinə mane olmaq qərarına gəlib.

İyunun 13-də İsrailin İrana hücumu ilə başlayan hadisələrə görə 100-200 min arası israillinin xaricdə qapalı qaldığı bildirilib.

TRT Haber
Əminə Əliyeva