53 nəfər ivritcə mahnı oxuyub, təyyarədən qovulub

İspaniyanın Valensiya hava limanında ekipajın xəbərdarlığına baxmayaraq, ivrit dilində mahnılar oxuyan 53 yəhudi sərnişin təyyarədən çıxarılıb.

"İnformator.az" xəbər verir ki, bu barədə “Clash Repоrt” məlumat yayıb.

Uçuşdan əvvəl gözləmə anında mahnı oxuyan sərnişinlərə heyət üzvləri tərəfindən xəbərdarlıq edilsə də, onlar fəaliyyətlərini dayandırmayıblar.

Ekipaj bu davranışı qayda pozuntusu kimi qiymətləndirib və nəticədə 53 nəfər təyyarədən endirilib.

Hadisə yəhudi gənclərin yay düşərgəsindən qayıdan zaman olub.