8 milyon nəfəri hərbi xidmətə çağırıb

ABŞ-nin Kariblərdə artırdığı hərbi varlığı əsas gətirən Venesuela Prezidenti Nikolas Maduro milli müdafiə sistemini gücləndirmək üçün Bolivar Milli Milis Qüvvəsini genişləndirmək məqsədilə yeni bir səfərbərlik elan edib. Maduro ölkə üzrə ilk dəfə 15 min 751 xalq müdafiə məntəqəsinin və 8 milyonu aşan milis birliyinin səfərbər ediləcəyini bildirib.

Dövlət başçısı Maduro rəqəmsal platforma vasitəsilə vətəndaşların milis gücünə qoşulmaq üçün qeydiyyatlarının davam etdiyini vurğulayaraq, uzun illər təlim keçmiş təxminən 4,5 milyon nəfərlik “güclü bazanın” yanında könüllülərlə bu sayın 8 milyonu aşmasının gözlənildiyini qeyd edib.

ABŞ Prezidenti Donald Tramp isə daha əvvəl imzaladığı fərmanla Latın Amerikası mənşəli narkotik kartelləri ilə yerində mübarizə aparmaq iddiası ilə ordunun daha çox və daha səmərəli istifadəsi barədə göstəriş verib. Maduro-nun 10 ildən artıq müddətdə ABŞ-yə narkotik qaçaqmalçılığından məsul olan “Cartel de los Soles”in lideri olduğu iddia edilərkən, ABŞ Maliyyə Nazirliyi iyulun 25-də “Cartel de los Soles”i Xüsusi Təyin Olunmuş Qlobal Terrorçu kimi tanıyıb.

Haberler.com

Aygün Babayeva