AB: Cinayətkarlar hava limanlarına “Şantaj proqramları” hücumu edib

Avropanın ən məşğul hava limanlarından bir neçəsi son bir neçə gündür normal fəaliyyətini bərpa etməyə çalışır. Cümə günü baş verən kiberhücum onların avtomatik qeydiyyat və minik proqramlarını pozub.

Avropa İttifaqının Kibertəhlükəsizlik Agentliyi (ENISA) bazar ertəsi BBC-yə bildirib ki, zərərli proqram avtomatik qeydiyyat sistemlərini qarışdırmaq üçün istifadə olunub.

“Ransomware-in növü müəyyən edilib. Hüquq-mühafizə orqanları araşdırma aparmaq üçün işə cəlb olunub,” – agentlik Reuters-ə verdiyi açıqlamada deyib.

BBC News
Səadət Əlizadə