ABŞ: 6 fevral zəlzələsindən sonra türk tərəfdaşlarımıza uzunmüddətli dəstək verməyə hazırıq

ABŞ fevralın 6-da Kahramanmaraş mərkəzli zəlzələlərdən sonra türk tərəfdaşlarına uzunmüddətli bərpa səylərinə töhfə verməyə hazır olduqlarını açıqlayıb.

ABŞ-ın BMT-dəki (BMT) daimi nümayəndəsi Linda Tomas-Qrinfild Kahramanmaraşda baş verən zəlzələlərin ildönümü ilə əlaqədar yazılı açıqlama verib.

Türkiyə və Suriyada baş verən zəlzələlər nəticəsində təxminən 60 min insanın həyatını itirdiyini xatırladan Qrinfild fikirlərinin bu dəhşətli faciədə həyatını itirənlərlə bağlı olduğunu bildirib.

Qrinfild zəlzələlərdən sonra Hatayda olduğunu və Suriyaya yardım göstərmək üçün humanitar təşkilatların nümayəndələri ilə görüşdüyünü xatırladıb.

ABŞ-ın zəlzələlərdən sonra təxminən 242 milyon dollarlıq humanitar yardım etdiyini deyən Qrinfild Suriyada vəziyyətin hələ də ciddi olduğuna diqqət çəkib.

“Biz türk tərəfdaşlarımızın uzunmüddətli bərpa səylərinə töhfə verməyə və Suriyadakı zəlzələlərdən zərər çəkənlərlə işi davam etdirməyə hazırıq” - Qrinfild bildirib.

Zəhra Həsənova

Mənbə: TRT Haber