ABŞ Avropa ilə imzalanan bu memoranduma xitam verib

Birləşmiş Ştatlar Avropa ölkələri ilə üçüncü tərəflərin dezinformasiyaya qarşı mübarizəyə dair anlaşma memorandumlarına xitam verdiyi barədə Avropa ölkələrini xəbərdar edib. 

"İnformator.az" xəbər verir ki, bu barədə “Faynənşl Tayms” məlumat yayıb.

“Avropa ölkələri Dövlət Departamentindən ABŞ-nin Bayden administrasiyası dövründə imzalanmış anlaşma memorandumlarına xitam verdiyi barədə bildiriş alıblar”, – nəşr yazır.

Bildirilib ki, memorandumlar “xarici hökumətlər tərəfindən yayılan zərərli məlumatların aşkarlanması və ifşası üçün” vahid yanaşma yaratmaq məqsədi daşıyırdı.