ABŞ-də kiçik təyyarə okeana düşüb

ABŞ-nin Kaliforniya ştatında kiçik təyyarənin Sakit Okeana düşməsi nəticəsində 3 nəfər həyatını itirib.

ABŞ Sahil Mühafizəsi məlumat verib ki, iki mühərrikli “Beechcraft” tipli təyyarə San-Karlos Hava Limanından havaya qalxdıqdan sonra Monterey sahilləri yaxınlığında okeana düşüb. Açıqlamaya əsasən, qəzanın ardınca başlayan axtarış-xilasetmə işləri zamanı dalğıc qrupu 3 nəfərin cəsədini aşkarlayıb. ABŞ-nin Milli Nəqliyyat Təhlükəsizliyi Şurası (NTSB) bu hadisə ilə bağlı araşdırma başladığını bildirib.

TRT XƏBƏR
Nuray Əliyeva