ABŞ Fələstin pasportu sahibləri üçün vizaları dayandırır

“The New York Times” qəzeti yazıb ki, ABŞ prezidenti Donald Tramp administrasiyası Fələstin pasportu sahibləri üçün qeyri-immiqrasiya vizalarının təsdiqini dayandırıb.

“New York Times” qəzetinin məsələdən xəbəri olan 4 ABŞ rəsmisinə istinadən verdiyi məlumata görə, Qəzzalılar üçün bütün ziyarət vizalarının dayandırıldığını elan edən ABŞ rəhbərliyi bununla bağlı daha bir addım atıb.

Avqustun 18-də ABŞ Dövlət Departamenti bütün ABŞ səfirliklərinə göndərilən memorandumda İordan çayının qərb sahilindən və Fələstin diasporundan olan şəxslər üçün qeyri-immiqrasiya vizasının rəsmiləşdirilməsinin dayandırılmasını əmr edib. Bu hərəkət müalicə, universitet təhsili, səfərlər və işgüzar səfərlər kimi məqsədlər üçün ABŞ Fələstin vizası sahiblərinə verilən vizalara aiddir. ABŞ Dövlət Departamenti avqustun 29-da sentyabrda Nyu-Yorkda keçiriləcək Birləşmiş Millətlər Təşkilatının (BMT) 80-ci Baş Assambleyasında iştirak etmək üçün ABŞ-yə gedən fələstinli rəsmilərin vizalarının ləğv edildiyini açıqlayıb.

Bəyanatda deyilir: “ABŞ qanunlarına uyğun olaraq, dövlət katibi Marko Rubio qarşıdan gələn BMT Baş Assambleyası ərəfəsində Fələstin Azadlıq Təşkilatı və Fələstin Muxtariyyəti üzvlərinin vizalarını rədd edib və ya ləğv edib. ABŞ-ninbu qərarı fələstinlilərin tənqidinə səbəb olub.Bu arada ABŞ Dövlət Departamenti avqustun 16-da Qəzza əhalisinə bütün növ ziyarət vizalarının verilməsini dayandırdığını elan edib.

TRT Haber
Xədicə Məhərrəmli