ABŞ fələstinlilərə vizaları dayandırıb

The New York Times yazır ki, ABŞ hökuməti artıq demək olar ki, bütün Fələstin pasportu daşıyanlara viza vermir.

Qərar əvvəlki məhdudiyyətlərdən daha sərtdir və yalnız Qəzzanı deyil, bütün fələstinliləri əhatə edir. Bu səbəbdən onların təhsil, müalicə və biznes üçün ABŞ-yə səfəri mümkünsüz olub.

Dövlət Departamenti açıqlayıb ki, bu addım “tam yoxlama aparmaq” məqsədi daşıyır, lakin fələstinpərəst təşkilatlar qərarı kəskin tənqid ediblər.

BMT Baş Assambleyası öncəsi isə ABŞ, PLO və Fələstin Administrasiyası rəsmilərinin vizalarını da ləğv edib. Halbuki, ev sahibi kimi belə rədd cavabı verməməlidir.

Vaşinqton bildirir ki, PLO və PA öhdəliklərinə əməl etmir və sülh prosesinə mane olur. Bu addım ABŞ-ni İsrailin sağçı hökuməti ilə daha da yaxınlaşdırır.

The Guardian

Eslanda Kulieva