ABŞ-nin gömrük rüsumları qərarına dair Çinin açıqlaması

Çin Xalq Respublikasının Ticarət Nazirliyi ABŞ-nin gömrük tariflərini daha da artıracağı təqdirdə “qətiyyətli qarşı tədbirlərin görüləcəyini” bəyan edib.

Çin Ticarət Nazirliyinin açıqlamasında bildirilib ki, Çin ABŞ-nin tarif artımlarına qarşıdır və tariflərin daha da artırılmasına yönəlik istənilən addıma cavab verəcək.

Açıqlamada qeyd olunub ki, ABŞ tarif təhdidi ilə səhv mövqeyində israr edir və bu yanaşması bir daha onun güc tətbiqinə əsaslanan xarakterini nümayiş etdirir:
“Əgər ABŞ bu yolda irəliləməyə davam edərsə, Çin sona qədər qətiyyətli qarşı tədbirlərlə cavab verəcək”.

Çin Mərkəzi Bankının açıqlamasında da vurğulanıb ki, lazım gəldiyi halda yenidən borclanma dəstəyi göstərilərək kapital bazarının sabitliyi təmin ediləcək.

Çinin dövlət investisiya fondu olan Çin İnvestisiya Korporasiyasına bağlı Central “Huijin” adlı fond şirkəti isə dünən olduğu kimi, Çin birjalarından səhmlər alaraq qiymət sabitliyinə töhfə verəcəyini açıqlayıb.

Trampın “qarşılıqlı tarif” artımı və Çinin reaksiyası

Çinin bu addımı, ABŞ Prezidenti Donald Trampın “qarşılıqlı tariflər” çərçivəsində Çinə əlavə 34 faiz gömrük tarifi tətbiq ediləcəyini açıqlamasından sonra atılıb.
Vaşinqton administrasiyası, Çinə tətbiq edilən 10 faizlik əsas tarifə əlavə olaraq 24 faizlik “qarşılıqlı tarif”lə birlikdə ümumilikdə 34 faiz əlavə gömrük tarifi tətbiq ediləcəyini bildirib.

Mənbə: Haber Global
Nuray Əliyeva