ABŞ-nin rüsumlarından ən çox zərər görəcək Aİ ölkəsi hansıdır?

Avropa İttifaqının ixracatının beşdə biri ABŞ-yə yönəlib. Donald Trampın avtomobillərə tətbiq etdiyi rüsumlar ən çox Almaniya iqtisadiyyatına zərbə vuracaq, lakin dərman məhsullarına mümkün rüsumlar İrlandiyaya da ciddi təsir göstərə bilər.

Almaniya və İrlandiya ABŞ-ın artırdığı ticarət rüsumlarından ən çox təsirlənə biləcək iki Avropa ölkəsidir.
Brüssel Vaşinqtonla razılaşma əldə etməyə çalışır, lakin onun detalları hələ açıqlanmayıb. Artıq bəzi məlumatlara görə, xüsusilə dərman preparatlarına tətbiq olunacaq rüsumlar 200%-ə çata bilər.
ABŞ prezidenti Donald Tramp aprel ayında Aİ-dən idxal olunan avtomobil və avtomobil hissələrinə 25%-lik tarif tətbiq etdikdə, bu addımdan ən çox Almaniya zərər çəkdi. Brüssel mərkəzli Bruegel analitik mərkəzinin hesablamalarına görə, uzunmüddətli perspektivdə bu rüsumlar Almaniyanın ÜDM-nin 0.4%-ni itirməsinə səbəb ola bilər.
Əgər Vaşinqton dərman sənayesini hədəf alsa, bu zaman İrlandiya, Danimarka və Belçika birbaşa təhlükə altına düşəcək. Avropa iqtisadiyyatına ümumi təsir ABŞ-nin tətbiq edəcəyi real tarif dərəcəsindən və Aİ-nin reaksiyasından asılı olacaq, lakin bu təsir ölkələr arasında bərabər paylanmayacaq.

Euronews
Fatimə Heydərova