ABŞ təhlükəsizlik proqramlarının azaldıldığını elan edib

ABŞ Avropanın Rusiya ilə sərhədində təhlükəsizliyin təmin olunmasına yönəlmiş yardım proqramlarını ixtisar etdiyini açıqlayıb. Məqsəd – Avropa ölkələrini öz müdafiə xərclərini artırmağa sövq etməkdir.

Pentaqon Avropadakı tərəfdaşlarına dəstəyin bir hissəsindən imtina qərarı barədə məlumat verib və onları təhlükəsizlik sahəsində daha çox maliyyə yükünü üzərlərinə götürməyə çağırıb.

2020-ci ildə Estoniya, Latviya və Litvanın silahlı qüvvələrini dəstəkləmək üçün yaradılmış Baltik Təhlükəsizlik Təşəbbüsü indi sual altındadır. Ötən il Konqres bu proqram üçün 228 milyon dollar ayırmışdı – vəsaitlər hava hücumundan müdafiə sistemlərinin genişləndirilməsinə, dəniz müşahidəsinə və bölgədə quru qoşunlarının gücləndirilməsinə yönəldiləcək.

Baltikyanı üç ölkənin hamısı NATO üzvüdür, Rusiyanın qonşusudur və Ukraynanın ən yaxın müttəfiqləri sırasındadır.

Euronews

Fatimə Heydərova