ABŞ turistlərdən 5 illik sosial media tarixçəsi tələb edə bilər

ABŞ xarici turistlərdən ölkəyə girişdən əvvəl beş illik sosial media tarixçəsini tələb edə bilər.

ABŞ rəsmilərinin açıqladığı yeni təklifə görə, Böyük Britaniya da daxil olmaqla onlarla ölkədən olan turistlərdən, ölkəyə giriş şərti kimi beş illik sosial media tarixçəsini təqdim etmək tələb oluna bilər.

Yeni tələb, viza almadan 90 gün müddətinə ABŞ-yə səfər etmək hüququ olan və Elektron Səyahət İcazə Sistemi (ESTA) formasını dolduran ölkələrin vətəndaşlarına təsir edəcək.

Yanvarda Ağ Evə qayıtdıqdan sonra Prezident Donald Tramp ümumi olaraq ABŞ sərhədlərini sərtləşdirməyə çalışır və bunun əsas səbəbi kimi milli təhlükəsizliyi göstərir.

Analitiklər deyirlər ki, bu yeni plan potensial səyyahlar üçün maneə yarada bilər və onların rəqəmsal hüquqlarına zərər vura bilər.

Mənbə:BBC news

Ayisə Şərifova