“Aeroflot”a hücum: Kreml açıqlama yayıb

Haker qrupları tərəfindən “Aeroflot”a edilən hücumlar barədə xəbərlər olduqca narahatedicidir.

"İnformator.az" "Axar.az" a istinadən xəbər verir ki, bunu Rusiya prezidentinin mətbuat katibi Dmitri Peskov deyib.

“Haker təhlükəsi ictimaiyyətə xidmət göstərən bütün böyük şirkətlər üçün qalıcı bir təhlükədir. Təbii ki, məlumatları aydınlaşdırıb, müvafiq dəqiqləşdirmələri gözləyəcəyik”, - o bildirib. Qeyd edək ki, “Aeroflot” aviaşirkətinin informasiya sistemlərinə haker hücumlarından sonra yaranan nasazlıq səbəbindən uçuş cədvəlində dəyişikliklər edilib.