Ağ Ev federal ixtisar planlarını sürətləndirməyi hədəfləyib

Ali Məhkəmənin qərarından sonra Ağ Ev federal agentliklərin işdən çıxarma planlarını nəzərdən keçirir. Məqsəd əlavə hüquqi risklərin qarşısını almaq və planların qanuna uyğun icrasını təmin etməkdir. Ağ Ev Müşavirliyi və Personal İdarəetmə İdarəsi bu prosesdə qurumlarla koordinasiya aparır.

Rəsmilər federal hökumətin ölçüsünü sadələşdirməyi prioritet hesab edir. Dövlət Departamenti artıq ilk addımı ataraq, cümə günü ixtisarla bağlı bildirişlər göndərəcəyini açıqlayıb. May ayında bu qurum təxminən 2000 nəfərin işdən çıxarılmasını təklif edib.

İxtisarlar əmək müqavilələrinə və hüquqi tələblərə uyğun aparılmalıdır. Hüquq ekspertləri bildirir ki, proses qanuni olsa belə, həmkarlar ittifaqları və digər tərəflər məhkəməyə müraciət edə bilər. Tramp administrasiyası isə 2,3 milyonluq federal işçi sayını azaltmaq istiqamətində fəaliyyətini davam etdirir.

Mənbə: Reuters 

Qəmər Kazımzadə