Aİ-nin Ukraynaya 140 milyard avroluq “Reparasiya Krediti” planı

Avropa İttifaqında Rusiya Mərkəzi Bankının dondurulmuş aktivləri əsasında Ukraynaya 140 milyard avroluq kredit verilməsi ideyası geniş dəstək qazanır. Plan hələ ilkin mərhələdədir və hüquqi suallar mövcuddur.

Komissiyanın təklifinə görə, Euroclear-da saxlanılan vəsaitlər Aİ-yə köçürüləcək, daha sonra Ukraynaya şərtlərlə kredit ayrılacaq. Ukrayna yalnız Rusiya zərərləri ödəməyi qəbul etdikdən sonra geri ödəməyə başlayacaq.

Bəzi ölkələr, xüsusən Belçika, hüquqi risklər və iqtisadi fəsadlarla bağlı narahatdır. ECB də xəbərdarlıq edib ki, bu addım beynəlxalq etimadı poza bilər.

Fransa Prezidenti Makron və digər liderlər planı dəstəkləsələr də, yekun razılaşma üçün hələ hüquqi mexanizmlər hazırlanmalıdır. Kremlin isə bunu “oğurluq” adlandıraraq cavab tədbirləri ilə hədələdiyi bildirilir.

Euronews

Billurə Quliyeva