Almaniya Ukraynaya "Patriot" qurğularını göndərib

Ukrayna iki "Patriot" hava hücumundan müdafiə sisteminin ilk buraxılış qurğularını alıb.

"İnformator.az" xəbər verir ki, bunu Almaniyanın müdafiə naziri Boris Pistorius Londonda Kiyevə hərbi yardım üzrə təmas qrupunun iclası zamanı bildirib.

Nazirin sözlərinə görə, Berlin Kiyevdən uzaq mənzilli pilotsuz təyyarələr almaqla Ukrayna hərbi sənaye kompleksinə dəstək verəcək. O qeyd edib ki, Almaniya Ukraynanın müdafiə müəssisələri ilə təxminən 300 milyon avro dəyərində müqavilələr bağlamağı planlaşdırır.