Amerikalı senator İsraili “təcrid olunmuş dövlət” adlandırıb

Qəzzanın tam işğalı barədə qərar qəbul edildikdən sonra İsrail demək olar ki, təcrid olunmuş dövlətə çevrildi. Bunu ABŞ-nin müstəqil siyasətçisi, Senat üzvü Berni Sanders CNN-ə müsahibəsində bildirib.

“O ki, indi Netanyahunun və İsrail hökumətinin etdikləri, İsraili demək olar ki, təcrid olunmuş dövlətə çevirdi. Düşünürəm ki, İsrailə qarşı son dərəcə mənfi münasibət təkcə ABŞ-də deyil, bütün dünyada formalaşıb”.

O, 2023-cü il 7 oktyabr hadisələrindən sonra İsrailin “özünümüdafiə hüququ”nu tanıdığını, lakin həmin vaxtdan bəri İsrailin hərəkətlərinin bütün fələstin xalqına qarşı müharibəyə çevrildiyini vurğulayıb.

Anadolu Agency
Ayan Əsgərova