“Artıq İran hava məkanı üzərində tam və hərtərəfli nəzarətimiz var”

ABŞ Prezidenti Donald Tramp İsrailin İrana qarşı hücumları ilə başlayan qarşıdurmaya münasibət bildirərək deyib:

“Artıq İran hava məkanı üzərində tam və hərtərəfli nəzarətimiz var”.

Tramp bu fikirləri Truth Social platformasında paylaşdığı açıqlamada səsləndirib.

O qeyd edib: “İranın müxtəlif keyfiyyətli hava müşahidə sistemləri və digər müdafiə avadanlıqları var idi, lakin bunlar Amerika istehsalı olan texnologiyalarla müqayisəyə belə gəlməz”.

Xamenei barədə: “Harada gizləndiyini dəqiq bilirik”.

Tramp paylaşımında həmçinin İranın ali lideri Əli Xamenei hədəf alaraq bildirib:

“Harada gizləndiyini tam dəqiqliklə bilirik. Asan hədəfdir, amma hazırda orada təhlükəsizdir. Onu aradan qaldırmaq niyyətində deyilik – ən azı, hələlik”.

TRT HABER
Solmaz Muradova