Avropa İttifaqı rəhbərinin təyyarəsi GPS müdaxiləsinə məruz qalıb

Avropa Komissiyasının prezidenti Ursula fon der Lyayenin təyyarəsi Bolqarıstan üzərində uçarkən GPS siqnallarının pozulması səbəbindən enişdə çətinliklərlə üzləşib.

Təyyarə uzun müddət havada dairə vurduqdan sonra yerüstü naviqasiya sistemləri və ənənəvi üsullar vasitəsilə uğurla eniş edib. Avropa Komissiyasının sözçüsü bildirib ki, Bolqarıstan hakimiyyəti bu hadisənin Rusiyadan məqsədli müdaxilə olduğunu düşünür. GPS siqnallarının pozulması son aylarda regionda tez-tez müşahidə olunur və bu, aviasiya təhlükəsizliyi üçün ciddi risk yaradır. Hadisə, von der Lyayenin Şərqi Avropa ölkələrinə səfəri zamanı baş verib. Səfərin əsas mövzuları təhlükəsizlik, müdafiə və Ukraynaya dəstək məsələləri idi. Avropa İttifaqı bu hadisəni “hibrid təhdid” kimi qiymətləndirərək, müdafiə imkanlarının gücləndirilməsinin vacibliyini vurğulayıb.

AP News
Ayşə Müzəfərli