Avropa Komissiyası sədrinin təyyarəsi hücuma məruz qalıb

Financial Times-ın xəbərinə görə, Rusiya istehsalı olan bir “qarışdırma hücumu” nəticəsində Bolqarıstandakı hava limanında GPS xidmətləri sıradan çıxıb.

İngiltərənin Financial Times (FT) nəşri yazır ki, Avropa Komissiyası sədri Ursula fon der Leyenin təyyarəsi Rusiya hücumu nəticəsində eniş etməyə məcbur qalıb.

FT-nin mövzuya yaxın üç rəsmiyə istinadən verdiyi məlumata görə, Rusiya istehsalı olan “qarışdırma hücumu” səbəbindən Bolqarıstandakı bir hava limanında GPS naviqasiya xidmətləri işləməyib və fon der Leyeni daşıyan təyyarə kağız xəritələrdən istifadə etməklə Filibe şəhərinə enməyə məcbur olub.

Avropa Komissiyasının açıqlamasında bildirilib ki, fon der Leyen cümə günü “Rusiyanın təcavüzünə qarşı Avropanın dəstəyini təsdiqləmək və müdafiə xərclərini artırmaq” məqsədilə “ön cəbhə” ölkələrini əhatə edən bir tura başlayıb.

Səylərə baxmayaraq müharibə davam edir.

Ukraynadakı müharibənin başlanğıcından bəri AB-nin təhlükəsizlik və müdafiə sahəsindəki geniş diplomatik kampaniyasının bir hissəsi olaraq fon der Leyen Rusiya və Belarusla sərhədi olan ölkələri, eləcə də Bolqarıstanı ziyarət edib.

Bu gün başa çatması planlaşdırılan tur, ABŞ Prezidenti Donald Trampın üç ildir davam edən müharibəni bitirmək üçün vasitəçilik cəhdləri ilə üst-üstə düşür.

Lakin son günlərdəki diplomatik aktivliyə və Alyaskada keçirilən Tramp–Putin görüşünə baxmayaraq, Rusiya prezidenti Ukraynaya qarşı hücumları dayandırmaq istəmir.

Ötən həftə Rusiya qüvvələri pilotsuz uçuş aparatları və ballistik raketlərlə Kiyevi vuraraq mülki şəxsləri öldürüb. Hücum zamanı Ukraynanın paytaxtı Kiyevdəki Avropa İttifaqı nümayəndəlik binası da hədəfə alınıb.

NTV

Eslanda Kulieva