Avropa polad sənayesində iş yerləri təhlükə altında

Avropa polad sənayesi Çin bazarındakı artıq istehsal və ABŞ-nin yüksək rüsumları səbəbilə çətin vəziyyətdədir. Almaniyanın IG Metall həmkarlar ittifaqının nümayəndəsi bildirib ki, əgər güclü tədbirlər görülməsə, minlərlə iş yeri itirilə bilər.

Thyssenkrupp 2030-cu ilədək Almaniyada 11 minədək iş yerini ixtisar etməyi planlaşdırır. ArcelorMittal da daxil olmaqla digər şirkətlərdə də minlərlə işçinin işdən çıxarılması təhlükəsi var.

ABŞ-nin 50%-lik polad rüsumları və Çindən subsidiyalı məhsulların Avropa bazarına yönəlməsi vəziyyəti ağırlaşdırır. EUROFER xarici polad idxalının yarıya endirilməsini tələb edir.

Avropa Komissiyası gələn həftə yeni müdafiə tədbirlərini açıqlayacaq. Lakin danışıqların çətin keçəcəyi gözlənilir, çünki ABŞ istehsal gücünü öz ölkəsinə qaytarmaqda israrlıdır.

Euronews

Billurə Quliyeva