Azərbaycan stolüstü tennisçiləri Türkiyə Superliqasının mükafatçısı olublar

Azərbaycan stolüstü tennisçiləri Zemfira Mikayılova ilə Mərziyyə Nurmətova Türkiyə Superliqasının bürünc mükafatını qazanıblar.

"İnformator.az" xəbər verir ki, "Masa Der Spor Klubu"-dan dəvət alan milli komandanın üzvləri Ankara təmsilçisinin üçuncü yeri tutmasında muhüm rol oynayıblar.

Təcrübəli idmançılar "Masa Der Spor Klubu"nun son iki turun 9 qarşılaşmasından 7-də qazandığı qələbələrdə əsas pay sahibi olublar.

Qeyd edək ki, 10 komandanın mübarizə apardığı yarışda çempion adını "Çukurova Universitesi" komandası qazanıb. İkinci yeri isə "Çorum Belediyyesi ASK" kollektivi tutub.